د کونړ مرکزي روغتون د طالبانو د توغندى د لکېدوله امله اور واخيست
کابل / د چنګاښ ٢مه / باختر
په اسعد آباد ښار کې د کونړ پر مرکزي روغتون د وسله والو طالبانو توغنديو برېد وشو.
ويل کېږي څه ناڅه دوه توغندي پر دغه روغتون ولګېدل او د روغتون يوې برخې اور واخيست.
د رارسېدلوخبرونوله مخې؛ نن سهار د کونړ مرکز په اسعدآباد ښارپه ځينوبرخو توغندي ولکېدل؛ دغه توغندي د استوګنې پر يو کوراو مرکزي روغتون ولګېدل.
د کونړ والي محمداقبال سعيد له باخترآژانس سره په اړيکه کې وويل، وسله وال طالبان يې د دغو توغنديو د توغولو عامل وبلل.
هغه وويل دتوغنديو دلکېدوله امله د سر زيان نه دى اوښتې.
د توغنديو په دغو بريدونو کې د روغتون د لمريزې برېښنا مرکز، او د دغه روغتون د تاسيساتو يوه برخه ويجاړه شوه.
وسله والو طالبانو په دې اړه څه نه دي ويلي.
