١٨کابل – باختر د لړم دمياشتې ١٣
د کابل بازانو د کرکټ ټيم نن د بست د کرکټ ټيم ته ماتې ورکړه.
د کرکټ بورد د خپرونو مسوول عزيز غروال د باختر آژانس خبريال ته وويل: د کرکټ د شپږيزو سياليو په دوام نن د بست او د کابل بازانو ټيمونو لوبه وکړه او لومړى د بست ټيم لوبه پيل کړه چې په ديارلسو آورونو او د اتو لوبغاړو په سوځيدو سره يې د کابل بازانو ټيم ته ٩٠ منډې هدف وټاکه .
وروسته د کابل بازانو د کرکټ ټيم د دوو لوبغاړو په سوځيدو او په لسو آورونوکې ټاکلې هدف پوره او دغه لوبه يې وګټله.
شل آوره شپږيزې سيالۍ د شپږو ټيمونو ترمنځ د کرکټ په ورزشي لوبغالي کې په کابل کې پيل شوې دي او هره ورځ په دوو لوبو سره دوام مومي.
له غرمې وروسته لوبه کې د امير بند او د سپين غر ټيمونه لوبه کوي.
