کابل – باختر دکب دمياشتې ١٣
دافغانستان داسلامي جمهوريت دجمهور رييس حامد کرزي د ډاډګيرنې او خواخوږۍ پيغام.
په ژورې خواشينۍ سره مې خبر ترلاسه کړ چې په هيواد کې د بانکوالۍ يو سابقه لرونکى مامور جان محمد دهغې ناروغې له امله چې ورپيښه شوې وه وفات شوى دى .
ارواښاد جان محمد کلونه کلونه دهيواد په بانکونو کې خدمت وکړ نيک او خدمتګار سړى و ، مړينه يې ضايعه ده د خپلې خواخوږۍ او ډاډګيرنې مراتب
د اروښاد د کورنۍ ، دوستانو او دکابل ولايت خلکو ته وړاندې کوم او دلوى خداى ( ج ) له دربار څخه متوفى ته دمغفرت او پاتې کسانو ته يې د جميل صبر هيله کوم.
