د پوليو د له منځه وړلو د واکسين دويمه دوره پيلېږي

کابل باختر دغويي دمياشتې ١٦ نيټه :
دعامې روغتيا  وزارت د نړيوالو همکارو موسسو په ګډون نن دماشومانو د ګوزڼ  ناروغۍ د واکسين دت طبيق دوره  پيل کړه.
د باختر آژانس دخبرله مخې ؛  ټاکل شوې ده دثوردمياشتې له  ١٧ نيټې څخه تر ٢١ نيټې پوري په ټول هېواد کې نهه اعشاريه ملېون ماشومان د ګوزڼ  د ناروغي پرخلاف  واکسين شي .
د دغه کمپاين  د پيل په مراسمو کې  چې دکابل په مرکزي دارالحفاظ کې پرځا ى شول ،د عامي روغتيا  وزير  ډاکټر فيروزالدين فيروز وويل  د ماشومانو  دګوزن د ناروغۍ  پرخلاف  د مبارزې په لاره کې  د ديني عالمانو ، ښوونکو ، د ښوونځيو او مدرسو د زده کوونکو رول ډيرمهم دى.
د ده دخرګندونوله مخې  ديني عالمان  دعامه  ذهنونو په روښانولو کې  د دغې ناروغۍ  د له منځه وړلو په اړوند د خلکو د ډله يېز پيوستون په لاره کې ارزښتناک اوحياتي رول لري.
ده زياته کړه؛  د هېواد ماشومان  بايد د دغې  ناروغۍ له امله  ټول عمر معيوب  او فلج  نه شي  او د هغو ساتنه د ټولنې  د هر وګړي انساني او ايماني دنده ده .
هغه وويل  چې؛د پوليو ناروغۍ تداوي نلري خو له نيکه  مرغه په هره  دوره کې د دوه څاڅکي  واکسين  په واسطه  د دغې ناروغۍ مخه نيول کېږي.
په دغو مراسمو کې د پوهنې وزارت  داسلامي تعليماتو معين ډاکټر شفيق صميم د موضوع په باب خبرې وکړې او زياته يې کړه  چې د اسلامي ټولنې  نيکمرغي په مسلمانانو ،ديني عالمانو ، سالمو  او خردمندو افرادو پورې مربوطه ده.
ده د هېواد له ټولو عالمانو څخه  وغوښتل چې  لاسونه سره ورکړي  او د عامې روغتيا له وزارت سره همکاري وکړي  او کورنۍ وهڅوي  چې د خپلو ماشومانو د واکسينو  په خاطر  د واکسين  د تطبيق  مرکزونو ته بوځي  او واکسين يې کړي.
په دغو مراسمو کې يوشمېر  ديني عالمانو او د نړۍ  د روغتيايي سازمان  او د يونېسف د ادارې استازو هم دموضوع په باب خبرې وکړي.پاى ج ذ