خبرونهاقتصادټولنهTOP

د پنجشېر څه کم ۳ زره قیراطه زمرد د نږدې ۳۰۰ زره ډالرو په ارزښت وپلورل شول

کابل، د سلواغې 11مه، باختر

د پنجشېر د کانونو او پټروليم رياست مسوولینو نن د دغه ولايت له کانونو د تازه استخراج شویو زمردو د پلورلو خبر ورکړی دی.

د دغه ولایت د کانونو او پټروليم رييس مولوي محمد قاسم اميري باختر آژانس ته وويل، چې د دیارلسم ځل لپاره د هېواد پر سوداګرو ۲ زره ۸۶۷ قيراطه زمرد د ۲۹۶ زره او ۷۵۰ ډالرو په ارزښت د کانونو د څارنې کمېټې، د سیمه ییزو چارواکو او سوداګرو په شتون کې د داوطلبۍ له لارې وپلورل شول.

مولوي امیري زیاته کړه، چې تر دې وړاندې هم د هېواد پر سوداګرو ۳ زره ۵۱۹ قيراطه زمرد د ۴۰۵ زره او ۵۰۰ ډالرو په ارزښت پلورل شوي وو.

نور ښکاره کړئ

اړونده مقالې

بیرته پورته تڼۍ ته