د پنجشیرمدني فعالانو له امنیتي ځواکونوڅخه خپل ملاتړاعلام کړ
کابل / د چنګاښ ۱۶ / باختر
د پنجشیر لسګونومدني فعالانو په یوه ځانګړه غونډه کې د هېواد له امنیتي ځواکونوڅخه خپل ملاتړاعلام کړ.
دغه غونډه د پنجشیر د مدني ټولنې د بنسټونو شبکې د ځوانانو د عالي شورا په همکاری د بازارک ښاروالۍ په تالارکې جوړه کړه.
د پنجشیرد مدني ټولنې د بنسټونو د شبکې مسوول عبدالمعزمبارز د دغې غونډې په پرانیستلوکې وويل: دفاعي او امنیتي ځواکونه د هېواد رښتني بچیان دي او له دغو ځواکونوڅخه ملاتړ زموږ دیني او وجداني فرض دی.
هغه زیاته کړه چې د پنجشیراوسېدونکي باید د ملي نوامیسو د ځمکنۍ بشپړتیا په دفاع کې د خپل امنیتي او دفاعي ځواکونوترڅنګ ودرېږي او له دغو ځواکونوڅخه په جدي توګه ملاتړ وکړي.
-ع
