ټولنه

د پل علم خلکو په ښاروال د شنو ساحو د پلورنې تور ولګاوه

کابل – باختر د غبرګولي دمياشتې ١٢
د لوګر ولايت په لسګونو تنو اوسيدونکو نن په مظاهرو لاس پورې کړ او د پل علم په ښاروال يې په غيرقانوني ډول د شنو ساحو د پلورنې تور ولګاوه.
مظاهره کوونکي ادعا کوي چې د پل علم ښاروال احمدخان الفت ددغه ولايت دشنو ساحو ځمکې يې په خپل سر او په غيرقانوني ډول پلورلې دي .
يو تن مظاهره کوونکى چې د نامه له ښودلو څخه يې د ډه وکړه؛ د باختر آژانس خبريال ته وويل: په خپل سر د شنو ساحو په پلورنې سره د خلکو حق ترپښولاندې شوى دى او ښاروال دې بايد خلکو ته ځواب و وايي. خو د لوګر د ولايتي شورا رييس ډاکتر عبدالولي وکيل د مظاهره کوونکو د دغې ادعا په ردولو سره وايي: تراوسه پورې کومه شنه ساحه نه ده پلورل شوي. يواځې د لرګيو د پلورنې يوه ساحه د جمهور رييس په حکم د ښاروال له خوا پلورلې شوې ده.
ده دغه راز وويل: ښاروال په خپلوکارونوکې ځينې نيمګرتياوې او نواقص لري او
په دغه ولايت کې يې د داوود خان د ماسټرپلان په تطبيق کې کوم کارنه دى کړى. ويل کيږي له پرله پسې هلوځلو سره سره په دې بريالي نه شو چې په دې باب د ښاروال نظر واخلو.

نور ښکاره کړئ

اړونده مقالې

بیرته پورته تڼۍ ته