کراچۍ ډي ډان / باختر د لړم د مياشتې ٧ :
د پاکستان پوليسو نن ادعا وکړه چې لږ تر لږه درې تنه مشکوک تروريستان يې په کراچى ښارکې د جګړې په بهيرکې وژلي دي.
د پاکستان د ډي ډان ورځپاڼې دخبرله مخې: دغه جګړه د کراچى ښار په مومن آباد ناحيه کې رامنځته شوه چې له امله يې درې تنه تروريستان ووژل شول او يو تن بل په تيښتې بريالى شو.
د پوليسو دڅرګندونو له مخې: دغه کسان د يوې ممنوعه ډلـــې غړي وو؛ خو د دغې ممنوعه ډلې نوم نه دى افشا شوى .
