د پاکستاني پوځيانوله خوا په دانګام بياهم توغندي وتوغول شول
کابل باختر دتلې دمياشتې ٢٧ :
له تيرې شپې څخه تراوسه پورې د پاکستاني پوځيانوله خوا٥٠ توغندي د کونړ ولايت د دانګام اوسرکاڼو د ولسواليو په بېلابېلو سيمو توغول شوي دي.
دکونړ ولايت امنيه قوماندان عبدالحبيب سيدخيل دباخترآژانس خبريال ته وويل : ددغو راکټي بريدونوله امله دسرکاڼو په ولسوالۍ کې يو تن ټپي شوى دى.
د کونړ ولايت دامنيتي مقاماتو دڅرګندونوله مخې : د روان کال له پيل څخه تراوسه پورې د پاکستاني پوځيانوله خوا ٧ زره توغندي د افغانستان په سرحدي سيمو توغول شوي دي چې د دغو سيمو اوسيدونکو ته يې دسر زيانونه او مالي تاوانونه اړولي دي.
