د يوې کورنۍ پنځه تنه غړي ټپيان شول .
کابل باختر د وري اتلسمه :
د يوې کورنۍ پنځه تنه غړي پرون دکندز ولايت په دشت ارچي ولسوالۍ کې د وسله والو مخالفينو د هاوان د ماين د لګيدو له امله ټپيان شول .
دکندز د والي وياند نعمت الله تيموري باختراژانس ته وويل چې دغه پيښه دکندز ولايت د دشت ارچي ولسوالۍ په ګل ټپه ساحه کې رامنځته شوه چې له امله يې ديوې کورنۍ پنځه تنه غړي ټپيان شول .
تيموري زياته کړه ټپيان چې دوه ښځې هم پکې شاملې دي د درملنې لپاره ولايتي روغتون ته لېږدول شوي دي .
