کابل – باختر دتلې دمياشتې ١١
دفارياب پوليسو پرون څلور تنه د يوې کورنۍ د پنځو تنو غړو د وژلو په تور ونيول.
دفارياب د والي ويندوى جاويد بيدار باختر آژانس ته وويل: د يو نارينه، دريو ښځو او يو ماشوم په ګډون د يوې کورنۍ پنځه تنه غړي څه موده مخکې د خواجه سبز پوش په ولسوالۍ کې په ډزوسره ووژل شول و او يو بل غړى يې ټپي شوى و.
بيدار زياته کړه: پوليسو ددغې کورنۍ زوم او د زوم د کورنۍ درې تنه غړي چې ددغو پنځو تنو په وژلو کې لاس درلود؛ نيولي دي.
دفارياب پوليس وايي چې دغه قتلونه دکورنۍ تاوتريخوالي له امله رامنځته شوي دي.
