کابل باختر دزمري دمياشتې ١٧ نيټه :
په پنجشير ولايت کې د دوو کلونو په بهيرکې ۶۱ ټولګټې پروژې ګټې اخيستنې ته سپارل شوې دي.
د پنجشير ولايت د ولسي تړون د ملي پروګرام رئيس انجنير شفيق الله سلطاني نن باختر آژانس سيمه ييز خبريال فياض رحيمي ته وويل چې په دغو پروژوکې د څښاک د اوبو د څاه ګانو کيندل، د زراعتي بندونو ټينګښت او د اوبو او دلمريزې برښنا د کوچنيو دستګاوو درول شامل دي چې د ولسي تړون د ملي پروګرام له خوا په دغه ولايت کې تطبيقې شوې دي.
انجنيرسلطاني څرګنده کړه چې دغه پروژې د څه دپاسه لسو ميليونو افغانيو په لګښت د شتل، عنابې او آبشارپه ولسواليوکې تطبيق شوې دي او له ښېگڼو څخه يې د دغو ولسواليو خلک استفاده کوي .
ده زياته کړه چې اوس شل نورې پروژې په دغو ولسواليو کې ترکار لاندې دي چې د کال تر پاى پورې ګټې اخيستنې ته سپارل کيږي.
پاى ج ذ
