د واليبال د اتلوالۍ د سياليو د دويم پړاو ټيمونه مشخص شول

کابل – باختر د وږي دمياشتې ٨
اتو ټيمونو د مرکز د زون د واليبال د اتلوالۍ د سياليو دويم پړاو ته لاره وموندله.
باختر آژانس د واليبال فدراسيون د خبرپاڼې له مخې خبر راکړ: د ملي امنيت، جهان سپورت، سرې مياشتې، د غزني ولايت، پنجشير ولايت ، چهاردهي شورا او د کوهدامن د شورا ټيمونه دي چې د دوو لوبو په ګټلو سره يې د دغو سياليو د دويم پړاو د مرکز زون د واليبال د اتلوالۍ په سياليو کې لاره وموندله.
دغه راز د کاپيسا، باميانو او د ميدان وردګو دولايتونو د صوفي کلپ، افغان کلپ، پروان او د ګارتو ګرافي  ټيمونه د دغو سياليو له جدول څخه حذف شول.
په خبرپاڼه کې ويل شوي دي: د دغو سياليو د دويم پړاو په پيل کې نن د جهان سپورت ټيم د غزني ولايت له ټيم سره، د پنجشير ولايت ټيم د کابل ښاروالۍ له ټيم سره، دسرې مياشتې ټيم د چهاردهي شورا او د ملي امنيت ټيم د کوهدامن د شورا له ټيم سره لوبې کوي.
دغه راز نن د دغو سياليو په پاى کې څلور ټيمونو وروستي پړاوته لاره مومي چې دغه پړاو سبا او وروستي پړاو به د سه شنبې په ورځ ترسره شي.