د هيواد له جمهور رييس څخه د اطلاعاتو اوفرهنګ وزير ډاکترسيدمخدوم غوښتنه
د اطلاعاتو اوفرهنګ وزير ډاکترسيدمخدوم رهين نن د يوې عريضې په ترڅ کې د هيواد له جمهور رييس څخه وغوښتل ډير ژر دې د څارنوالى د استازى په ګډون، يو هيئت وټاکي چې د افغانستان د تاريخي آثارو د قاچاقو په اړوند زما په حق کې د زلمي زابلي د تور په باب د ده ادعا په جدي توګه وڅيړي.
د اطلاعاتو اوفرهنګ وزير هيله وکړه چې په دې کارسره په راتلوونکي کې هيڅوک ونه کړاى شي د عقدې او کينې له مخې په افترا او د چا د شخصيت په ترور لاس پورې کړي.
