د هيواد دنولس کلنو ځوانانو د فوټبال ټيم د هند په وړاندې ماتې خوړله
کابل- باختر د وږي دمياشتې ٢
د هيواد د نولس کلنو د فوټبال ملي ټيم پرون د آسيا د جنوب په سياليوکې دهند په وړاندې ماتې ومنله.
د کابل د فوټبال فدراسيون مرستيال عبدالبصير قيومي نن دباختر آژانس خبريال ته وويل: دغه لوبه پرون مازيګر ترسره شوه او لوبه د صفر په وړاندې په دوو سره د هند د ټيم په ګټه پاى ته ورسيده.
د آسيا د جنوب د فوټبال سيالۍ د شپږو هيوادونو د ټيمونو په ګډون يوه اوونۍ مخکې د نيپال په کوربه توب پيل شوې دي او افغانستان په الف ګروپ کې په خپله لومړۍ لوبه کې د يوې په وړاندې په دريو سره د مالديف ټيم ته ماتې ورکړه .
د يادونې وړ ده چې د بي له ګروپ څخه د هند ټيم او د الف له ګروپ څخه د افغانستان ټيم وکولاى شول څلورو ټيمونو ته لاره ومومي.
