کابل باختر د تلي دويمه :
په هرات کې د فوټبال د دويم لاس د ټيمونو سياليو نن سهار په يوې لوبې دوام وموند .
دهرات ولايت دورزشي آمريت مرستيال ضيا الحق ضيا باخترآژانس ته وويل: په دې لوبه کې د هيري ټيم د صفر په مقابل کې په دوو سره د آرش ټيم ته ماتې ورکړه.
دغه سيالۍ په هرات کې د دولسو ټيمونوترمنځ پيل شوې دي چې په دوام يې ټاکل شوې ده سبا سهار د آريا او پيروزي ټيمونه لوبه وکړي .
د يوبل خبر له مخې: دهرات د واليبال دسياليو په دوام پرون مازيګر د السادات ټيم پرتابان ټيم بريالى شو .
باخترآژانس ته دهرات ولايت د ورزشي آمريت دمرستيال ضيا الحق دڅرګندونو له مخې: په دې لوبه کې د السادات ټيم د دوو په مقابل کې په دريو سره د تابان ټيم ته ماتې ورکړه .
دغه سيالۍ دشپږو ټيمونو ترمنځ په دغه ولايت کې پيل شوې دي .
دغه راز د هرات د ولسواليو د فوتبال د جام سياليو دګذرې ولسوالۍ د ټيم په برياليتوب سره پاى ته ورسيدې .
په دغو سياليوکې د ګذرې ټيم د يوې په مقابل کې په دوو سره دهسان پر ټيم بريالى شو .
