د هرات په تاریخي سیمو کې د نیالګیو کېنول دوام لري
کابل /دکب ۸مه /باختر
د هرات د اطلاعاتو او فرهنګ رییس په اختیارالدین تاریخي کلا کې د نیالګیو کېنولو په مراسمو کې ګډون وکړ او ویې ویل چې په ټولو تاریخي او لرغونو سمیو کې نیالګي کېنول کېږي.
ټاکل شوې ده په تاریخي سیمو کې د ناجو ونې کېنول شي.
د هرات د اطلاعاتو او فرهنګ رییس مولانا نعیم الحق حقاني د نیالګیو کېنول د طبیعت پاکوالی، سمسورتیا او آبادي وبلله او له ښاریانو یې وغوښتل چې په خپل ښار کې نیالګي کېنوي.
تر اوسه د هرات په څو تاریخي آبدو کې نیالګي کېنول شوي او دغه بهیر دوام لري.
/ا
