کابل باختر دوري دمياشتې ٢١ نيټه :
د هرات ولايت د ګذرې ولسوالۍ اوسيدونکو پرون له امنيتي ځواکونو سره خپل ملاتړ اعلام کړ.
د هرات د والي وياند جيلاني فرهاد دباخترآژانس خبريال ته وويل ؛ په هغې غونډه کې چې په همدې مناسبت په دغې ولسوالۍ کې جوړه شوې وه، يوشمېرمخورو، قومي مشرانو ، د کليو وکيلانو او د دغه ولايت د ګذرې ولسوالۍ د وګړني او انکشافي شورا رئيسانو له امنيتي ځواکونوڅخه خپل ملاتړ اعلام کړ.
په دې غونډه کې ګډون کوونکو له امنيتي ځواکونو څخه قدرداني وکړه او په ټول هېواد کې د امنيت او د سولې دټينګښت غوښتوونکي شول.
ويناوالو له مخالفانو سره د حکومت د سولې له خبرو څخه ملاتړ وکړ او څرګنده يې کړه چې هيچاته به اجازه ورنکړي چې امنيت ګډوډ کړي.
په دې غونډه کې د ګذرې ولسوال امنيه قوماندان سمونمل سليمان اميري د امنيت په برخه کې د خلکو دهميشني شتون څخه په منننې سره وويل ؛ دغه غونډه د دغې ولسوالۍ د اوسيدونکو يووالى او پيوستون ښي او څرنګه چې پوليس د خلکو له منځ څخه پورته شوي دي د خپلو خلکو په خدمت کې دي .
ده له خلکو څخه وغوښتل چې له تېرو وختونو څخه زيات له پوليسو اونورو امنيتي ځواکونوسره همکاري وکړي. پاى ع ذ
