کابل – باختر دمرغومى پنځه ويشتمه
د روان 1391 لمریز کال د مرغومی میاشتې په (۲۴) نیټه د سهار د پنځوبجو پرشاوخوا، د میدان وردک ولایت د سید آباد ولسوالې د تیمور خیلو پر کلې کی د ویرجنی حادثی له امله د لمړنیو رپوټونو له مخې یو شمیر ملکي هېوادوالو ته مرګ ژوبله اوښتې ده.
د افغانستان اسلامي جمهوري ریاست د دې ویرجنۍ پیښې له امله خپله ژوره خواشینې څرګندوی او د پیښې د هر اړخیزي څیړنې لپاره، د جمهوری ریاست سلا کار رحمت الله راشدی په مشري د لاندینې پلاوې ټاکنه منظور کړ.
– د چارو ادارې د لوى رياست او د وزيرانو شورا د دارالانشا استازې، بریدجنرال محمد الله نوری د غړي په توګه.
– د ملی دفاع وزارت استازې، بریدجنرال دین محمد د غړي په توګه.
– د کورنیو چارو وزارت استازی، سمونوال مشک عالم د غړي په توګه.
– د ملي امنیت د لوی ریاست استازې، دگروال محمد نسیم د غړي په توګه.
– د سیمه ایزو ارګانونو د خپلواکې ادارې استازې، بهرام الدین فرهنگ د غړي په توګه.
د حکم پر اساس، هئیت ته دنده سپارل کیږي چې د جمهوري ریاست د خواخوږی او غمشریکۍ مراتب ویرجنو کورنیو ته ورسوي، د سیمې د محلي ادارې د چارواکو، د ولایتي شورا غړو، دیني عالمانو، سپین ږیرو او مشرانو سره په ګډه خپلې څیړنې تر سره، د پیښې عوامل تشخیص، او د خپلو کړنو بشپړ رپوټ ژر تر ژره د جمهوري ریاست مقام ته وړاندې کړي.
