د موتاى انتخا باتي سيالۍ پيل شوې
کابل باخترد ثور دمياشتې ١٦ :
د موتاى د ملي ټيم سيالۍ نن په کابل کې پيل شوې.
دباختر آژانس دخبريال دخبر له مخې: دغه سيالۍ چې د المپيک دملي کميټې په جمنازيوم کې پيل شوې دي؛ د هيواد د يوولسو ولايتونو ورزشکاان په يوولسو وزني برخوکې د پنځو ورځو لپاره پکې سيالۍ کوي.
د المپيک د ملي کميټې د خپرونو آمر سميع دره يي د باختر آ ژانس خبريال ته وويل : ددغو سياليو په پاى کې څلورڅلويښت غوره څيرې د هيواد دموتاى د ملي ټيم غړيتوب ترلاسه کوي چې له دغو څيرو څخه شپږ تنه غوره څيرې له هيواد څخه بهرسياليولپاره چې په را تلونکي مياشت کې په کورياکې ترسره کيږي؛ انتخابيږي.
