د ملي اردو پنځه تنه عسکر د امنيتي دندو د ترسره کولو په بهيرکې د ماينونو د چاودنې له امله شهيدان شول

کابل – باختر دغبرګولي دمياشتې ٦
دملي اردو پنځه تنه سرتيري پرون د هيواد په بېلابېلو ساحوکې په واټونوکې د ښخ کړى شويو ماينونو د چاودنې له امله شهيدان شول.
دملي دفاع وزارت د ويندوى مطبوعاتي دفترباختر آژانس ته خبر ورکړ:دغه عسکر د امنيتي دندو د ترسره کولو په وخت کې په واټونوکې د ښخ کړى شويو ماينونو د چاودنې له امله شهيدان شوي دي.
د ملي دفاع وزارت مقاماتو د دغو پيښو ځايونه نه دي روښانه کړي.