د مزارشريف په ښار کې د دوو ښوونځيو زده کوونکو د خپلو ښوونځيو دبيا پرانستلو غوښتنه وکړه
مزارشريف باختردکب دمياشتې٢٦ نيټه :
په مزارشريف ښار کې د لويانو د دوو ښوونځيو زده کوونکو نن په اعتراض لاس پورې کړ او د خپلو ښوونځيو دبيا پرانستلو غوښتنه يې وکړه
دغه دوه ښوونځي په هغو کې د لوست ورکولو د کيفيت د ټيټوالي په دليل تړل شوي دي.
د باختر آژانس د خبريال د خبرله مخې ؛ د مزارشريف ښار په سجاديه ښارګوټي کې دلويانو د دغو دوو ښوونځيو يو شمير زده کوونکو د بلخ د ولايتي شوراپه وړاندې په اعتراض لاس پورې کړ او د خپلو ښوونځيو د بيا پرانستلو غوښتنه يې وکړه.
اعتراض کوونکو وويل؛ څنګه چې دوى لويان دي په عمومي ښوونځيوکې د هغو د جذب امکان نشته او دوي بايد خپلو زده کړو ته دوام ورکړي.
د بلخ ولايت دپوهنې رياست مرستيال همايون نبي زاده د لويانو د دغو دوو ښوونځيو دتړل کيدو علت په هغو کې دلوست دکيفيت ټيټوالى بولي.
خو په بلخ ولايت کې د لويانو د ښوونځيو د شورا غړي انجينر اسدي د بلخ ولايت دپوهنې رياست دمرستيال د ادعاپه ردولو سره وايي چې په دغو دوو ښوونځيو کې دلوست ورکولو کيفيت لوړدى.
ده وويل ؛ هڅه کوي چې دغه دوه ښوونځي بيا فعال او پرانستل شي.
پاى ف ذ
