کابل باختر دچنګاښ دمياشتې ٣ :
د کوچني اختر په مناسب د لوى څارنوال فريد حميدي د مبارکۍ پيغام
ګرانو هېوادوالو، عزتمندو کورنيو او د لويې څارنوالۍ درنو کارکوونکو !
السلام عليکم ورحمة الله وبرکاته !
تر هرڅه مخکې د لويې څارنوالۍ د مشرتابه پلاوي په استازيتوب تاسو ته د نيکمرغه کوچني اختر د را رسيدلو له امله مبارکي وايم . لوى خداى ( ج ) دې وکړي چې کوچنى اختر د نړۍ ټولو مسلمانانو او په ځانګړي ډول افغان ولس ته د خوښۍ، خوشحالۍ او سولې اختر وي او د لوى خداى (ج) دربار ته دعاکوم چې په هېوادکې سراسري سوله او امن راشي او لوى څښتن تعالي دې ستاسو عبادتونه، دعاګانې او روژې په خپل دربارکې قبول کړي .
