کابل باخترداسد۲۳
په غور ولایت کې ښوونکو پرون له تحصن څخه لاس واخست.
د باختر اژانس د خبرله مخې:
دغو ښوونکو له هغه وروسته چې جمهور رییس لارښوونه ورکړه چې د غور ولایت د مستوفیت اداره دې د ښوونکو اته میاشتني معاش ډیر ژر اجرا کړي، خپل تحصن پای ته ورساوه .
اعتراض کوونکي وایي: که چیرې مستوفیت د هغوی د معاش په ورکولو بې پروایي وکړي، دوی به د تحصن خیمې بیا دروي .
څه ناڅه یوه اوونۍ مخکې له ۱۱۳ ښوونځیوڅخه ۵۰۴ تنو ښوونکو چې معاشونه یې نه دي اجرا شوي، په تحصن لاس پورې کړ او په دغه ولایت کې یې د مستوفیت دروازه وتړله.
ختم/ ع
