کابل – باختر دکب دمياشتې ١
د غزني ولايت د دوو تنو مسوولينو د ترور لپاره د طالبانو طرحه دامنيتي مامورينو له خوا ناکامه شوه .
طالبانو غوښتل د چاودنې د دوو پيښو په رامنځته کولو سره د غزني ولايت د اندړو ولسوالۍ امنيه قوماندان او ولسوال ترور کړى .
امنيتي مامورينو نن سهار په چاوديدونکو توکو او جنګي وسايلو يو بار موټر
چې ددغو هدفونو لپاره د ليږدونې په حال کې و ، کشف او له منځه يوړ .
د غزني د اندړو ولسوال قاسم ډيسيوال باختر آژانس ته وويل : چې دغه چاوديدونکي توکي او وسلې هدف له رسيدو مخکې نن سهار کشف شوې .
د ډيسيوال دڅرګندونو له مخې : طالبانو غوښتل دى او د دغې ولسوالۍ امنيه قوماندان ترور کړي او درې تنه چې دغه توکي يې ليږدول په تيښتې بريالي شوي دي او دغه توکې د هوايي بريد په واسطه چول شوي دي او د ددغې پيښې دعاملينو دپيژندلو او نيولو لپاره هڅې دوام لري.
