د عراق اردو د تيلو په يو چاڼځاى د داعش د ډلې بريد شنډکړ
بغداد السومه نيوز – باختر د تلې دمياشتې ١٤
د عراق اردو د دغه هيواد په شمال کې د (بيجي) د تيلو په چاڼځاى بريد شنډ کړ او د داعش دولس تنه تروريستان يې ووژل او يو شمېر نوريې ټپيان کړل.
د السومريه نيوز د خبري سايت دخبر له مخې: دعراق امنيتي خبرځايونو اعلام وکړ چې دعراق اردو د (بيجي) د تيلو په چاڼځاى کې د ډول ډول درنو وسلو ، زغروالو وسلو او د هليکوپټرونو څخه په استفادې سره د داعش د تروريستانو له بريد سره مقابله وکړه.
د عراق د امنيتي خبرځايونو په خبرکې ويل شوي دي چې ددغه هيواد د اردو ځواکونه بريالي شول چې د داعش د ډلې ځواکونه له دغه چاڼځاى څخه وباسي.
دغه چاڼځاى ته د رسيدلو زيانونو په باب خبر نه دى خپور شوى.
