د عالیقدر امیرالمؤمنین حفظه الله د حکم پر بنسټ په یو شمېر ادارو کې نوې ټاکنې وشوې
کابل، د کب ۵مه، باختر
د افغانستان اسلامي امارت ویاند مولوي ذبیح الله مجاهد د عالیقدر امیرالمؤمنین حفظه الله د حکم پر بنسټ په یو شمېر ادارو کې د نویو ټاکنو خبر ورکړی دی.
مولوي ذبیح الله مجاهد ویلي د روزګان ولایت مخکینی والي مولوي محمد علي جان احمد، د سرحدونو، قومونو او قبایلو چارو وزارت د جرګو، اقوامو او قبایلو د همغږۍ د معین په توګه، د سرحدونو، قومونو او قبایلو وزارت د جرګو، قومونو او قبایلو د همغږۍ مخکینی معین ملا عبدالخالق عابد د پکتیکا ولایت د والي په توګه، د لغمان مخکینی والي قاري زین العابدین، د نورستان ولایت د والي په توګه، د نورستان ولایت مخکینی والي مولوي شیر احمد حقاني د لغمان ولایت د والي په توګه، د لوګر ولایت د والي مخکینی مرستیال مولوي عنایت الله شجاع، د روزګان ولایت د والي په توګه، د خوست ولایت د پوهنې مخکینی رئیس مولوي محمد انور د لوګر ولایت د والي د مرستیال په توګه او د پکتیکا ولایت مخکینی والي مولوي فیض الله جمال؛ د خوست ولایت د پوهنې رئیس په توګه وټاکل شول.
