د طالبانو یو قوماندان له څلورو ملګرو سره يې په بلخ کې ووژل شو

-کابل/ د ليندۍ ١٤مه/باختر
د طالبانو یو کلیدي قوماندان له څلورو ملګرو سره يې پرون مازیګر په بلخ ولايت کې ووژل شو.
د ۲۰۹ شاهین قول اردو ویاند محمد حنیف رضايي وویل چې د طالبانو یو کلیدي قوماندان په معاذ مشهور ولي له څلورو ملګرو سره يې د بلخ د چاربولک ولسوالۍ د چمن خان آباد په سه سرکه کې په هوايي برید کې ووژل شو.
رضايي زیاته کړه چې په بریدکې دوه نور طالبان ټپیان شول او د دښمن درې موټرسایلکونه او یوه اندازه پوځي تجهیزات له منځه لاړل.
د یو بل خبر له مخې:
څلور وسله وال طالبان پرون د بلخ د چاربولک ولسوالۍ په مربوطاتوکې د امنیتي او دفاعي منسوبینو په عملیاتوکې ونیول شول.
پاى/ع