واشنګټن ګلومبرگ باخترد لړم د مياشتې ١١ :
يوې امريکايې ورځپاڼې (بلوبمبرګ) په افغانستان کې د ښځو د حالت په باب يو مطلب خپورکړى دى چې د طالبانو د رژيم له راپرځيدو وروسته د ټولنې دغه قشر لا تراوسه پورې هم ناڅيزې لاسته راوړنې او زياتې ستونزې لري.
د خپرونې په ليکنه: د پنځلسو کلونو په تېريدوسره لا تراوسه پورې هم افغانستان د نړۍ په کچه ښځو ته ډير بد ځاى بلل کيږي.
د افغانستان د بيا جوړولو لپاره د امريکا خاص سرپلټوونکي جان سوبکو ويلي دي چې د افغان ښځو د ژوندانه د حالت ښه والى او هغوى ته د فرصتونو برابرول د امريکا لپاره يوه اساسي موخه وه .
بلومبرګ د جان سوبکو له خولې ليکي چې د ښځو د فعاليتونو لپاره د يو مليارد امريکايي ډالرو ژمنه شوې ده چې له امله به يې د ښځو حالت ښه والى ومومي. خو د سيګار په رپوټ کې اداري فساد او نا امنۍ د دغې موخې د ترلاسه کولو په لاره کې ستر خنډ بلل شوى دى.
د بلومبرګ خپرونې د سيګار د درې مياشتني رپوټ له مخې ليکلي دي چې ناوړه امنيتي حالت نه يوازې ښوونځيو ته د يون لپاره د ښځو او نجونو لپاره، له کورڅخه بهرکار او په روغتيايي خدمتونولاس بري سخت کړى ؛ بلکې د هغوى په باب يې دغه ذهنيت هم عام کړى دى چې ګنې ښځې زيانموونکي دي اوله دې امله بايد له کورڅخه ونه وځي .
په هغو خبروکې چې په دې باب له څلويښتو مخکښو ښځوسره شوي دي؛ زياترو يې ويلي دي چې ښځې له سياسي او اقتصادي سيستم څخه بې برخې شوې دي.
