کابل باختر د تلي شپاړسمه :
دشاهين آسمايي او سيمرغ البرز ټيمونه دافغانستان د غوره ليک دسياليو وروستي پړاو ته يې لاره وموندله .
دهيواد دفوټبال دفدراسيون دمطبوعاتو مسوول مرتضي دانش باختراژانس ته وويل : په هغه سيالې کې چې پرون دسيمرغ البرز او دعقابان هندوکش ټيمونو ترمنځ ترسره شو دسيمرغ البرز ټيم ديوې په مقابل کې په دريو سره دعقابان هندوکش په ټيم بريالي شو او ددغو سياليو وروستي پړاو ته يې لاره وموندله.
ددانش دڅرګندونو له مخې : دغه سيالۍ چې دفوټبال دفدراسيون په لوبغالي کې داتو ټيمونو ترمنځ پيل شوي و چې دشاهين آسمايي او سيمرغ البرز دوو ټيمونو ددغوسياليو وروستي پړاو ته لاره وموندله .
ديادونې وړ ده چې ټاکل شوې ده چې وروستي لوبه دجمعې په ورځ ترسره شي .
