د سلو توپونو ليګ ترسره کېږي
کابل / د چنګاښ ۹مه / باختر
د کرکټ په تاريخ کې د لومړي ځل لپاره د ۱۰۰ توپونو ليګ پيلېږي.
د دغه ليګ لپاره درېو بېلابېلو ټيمونو درې افغان لوبغاړي راشد خان، محمد نبي او قيس احمد پيرودلي دي.
د کرکټ د سلو توپونو په نامه د دغه ليګ د نويو لوبو لپاره د انګلستان او ولز د کرکټ بورډونو په کال ٢٠١۶ کې خپلې نظريې وړاندې کړې وې.
په کال ٢٠١٩کې موافقه وشوه چې دغه سيالۍ د ٢٠٢٠په جولای کې ترسره شي، خو د کروناويروس د خپرېدو په دلیل دغه سيالۍ ٢٠٢١کال ته وځنډول شوې.
د انګلستان کرکټ بورډ په مارچ میاشت کې وويل چې دغه سيالۍ د جولای په ٢١مه پيلېږي.
ختم-ج-ا
