د سالنګ لويه لاره دترافيکو پرمخ پرانستې ده
کابل باختردمرغومي دمياشتې ٧ :
په سالنګونو کې د واورې له اورښت سره سره د سالنګ لويه لاره دترافيکو پرمخ پرانستې ده .
دسالنګ د لويې لارې دساتنې او څارنې مسوولين وايي: تراوسه پورې دکومې پيښې خبر نه دې ترلاسه شوې .
د سالنګ د لويې لارې د ساتنې اوڅارنې آمر جنرال رجب باختراژانس ته خبرورکړ: له تيرې شپې را په دې خوا په سالنګونوکې د واورې اورښت دوام لري .
ده زياته کړه: د سالنګ د لويې لارې د ساتنې اوڅارنې کارکوونکوپه خپلو پرله پسې هلوځلوسره د سالنګ لويه لاره دترافيکوپرمخ پرانستې ساتلې ده او دناڅاپي پيښو او د لارې دتړل کېدو د مخنيوي په مقصد، څلويښت فوټه لوړ توناژ وسايط په دې لاره کې دتګ راتګ اجازه نلري .
