د رییس الوزرا مرستیال د میدان وردګو له امنیه قومندان سره وکتل
کابل / د کب ۳ مه / باختر
د افغانستان اسلامي امارت د رییس الوزرا سیاسي مرستیال مولوي عبدالکبیر نن غرمه د میدان وردګو له امنیه قومندان مولوي محمد شریف حلیم سره په سپېدار ماڼۍ کې وکتل.
په دې کتنه کې د میدان وردګو امنیه قومندان په یاد ولایت کې د سرتاسري امنیت د تامین ډاډ ترڅنګ په بېلابېلو برخو کې یو شمېر مسایل او ستونزې هم شریکې کړې.
په همدې حال کې مولوي عبدالکبیر ژمنه وکړه چې د مطرح شویو مسایلو او ستونزو د حل لپاره به ځانګړې پاملرنه وشي.
ن/ر
