د روسيې اټومي بم نندارې ته وړاندې کيږي

مسکو ايرنا   باختر دزمري دمياشتې  ٢٩ :
د روسيې حکومت د سزار دبم په نامه دنړۍ  ستر اټومي بم نندارې ته وړاندې کوي.
دايران دولتي خبري آژانس نن  دبي بي سي  دخبري سايټ له خولې خبر راکړ.
د سزار بم   چې دنړۍ  ډير ستر اټومي بم دى  په راتلوونکي مياشت کې  دمسکو داټومي انرژۍ  دصنايعو په نندارتون کې  نندارې ته وړاندې کيږي او  له ١٩٥٤ ميلادي کال څخه   د روسيې  اټومي لاسته راوړنې  ليدو ته وړاندې کيږي .
يو له دغو بمونو څخه  چې د چاودنې  توان يې  اته پنځوس ميګا ټنه و  په  ١٩٦١ کال کې دپخواني شوروي اتحاد له خوا په شمال قطب کې وچوول شو  چې  توان يې  دهغه بم په پرتله  درې زره  ځلې  زيات و  چې  په دويمه نړيواله جګړه کې  د جاپان په هيروشميا کې  وچوول شو .
ټاکل شوې ده  دمسکو داټومي انرژۍ دصنايعو نندارتون  دکريملين ماڼۍ ته څيرمه  جوړ شي   او دغه بم  به نندارې ته وړاندې شي .
ددغه بم  بهرنۍ پوټکى  دساروف له ښار څخه مسکو ته ليږدول کيږي.
دساروف ښار يو ممنوعه ښار دى  او د اټومي تحقيقاتو لپاره  ورڅخه استفاده کيږي.
دمسکو داټومي انرژۍ دصنايعو نندارتون به  دوږي دمياشتې له لسمې نيټې څخه دتلې  دمياشتې تر اتمې نيټې پورې دوام وکړي.