خبرونهنړۍ

د حزب الله په راکټي برید کې یو اسرایلي پوځي وژل شوی

کابل، د غوايي ۲۰ مه، بهرنۍ رسنۍ

د اسرایلو صهیونست پوځ خبر ورکړی، چې پرون چهارشنبې یې د رژیم په شمالي ملکیا سیمه کې یو ۲۰ کلن پوځي د لبنان حزب الله ډلې په راکټي برید کې وژل شوی دی.

دغه راز حزب الله ډلې د یوې اعلامیې په خپرولو سره ویلي، چې پرون یې د اسرایلو په شمالي سیمو ۱۲ فایره توغندي توغولي او د معلوماتو له مخې په ټاکل شویو اهدافو لګېدلي دي.

دې ورستیو کې د صهیونست پوځ تلفات د پام وړ زیات شوي او د دوشنبې په ورځ یې هم دوه سرتېري غزه کې وژل شوي وه.

ورته وخت کې د سوریې پوځ وایي، له اشغالي جولان سیمې څخه د اسرایلي پوځ له لوري توغول شوي توغندي یې شنډ او راغورځولي دي.

سوریایي چارواکو زیاته کړې، صهیونست رژیم غوښتل پلازمېینه دمشق په نښه کړي.

نور ښکاره کړئ

اړونده مقالې

بیرته پورته تڼۍ ته
WP RSS Plugin on WordPress