د جمهوررئیس په مشرۍ د امنیتي سوق او ادارې غونډه جوړه شوه
کابل/ د چنګاښ ۱۷مه/ باختر
د جمهوررئیس محمداشرف غني په مشرۍ نن له غرمې مخکې د امنیتي سوق او ادارې غونډه په کورنیو چارو وزارت کې ترسره شوه.
په پیل کې جمهوررئیس غني د بادغیس او غزني والیانو او د قول اردو او لواګانو قومندانانو سره د ویډیو کنفرانس له لارې خبرې وکړې.
وروسته یې د کورنیو چارو وزارت مسوولینو سره د امنیتي سوق او ادارې غونډه کې د هیواد د امنیت د تامین په اړه د دوی پلانونه او برنامې واورېدې او په بېلابېلو برخو کې لازمې لارښوونې وکړې.
