کابل، د زمري ۱۷مه، باختر
د ترافیک پولیسو عمومي ریاست ټولو هغو درنو هېوادوالو ته، چی خپل د افغانستان خلاف لاس (ښي لاس) موټر یی پخوا ثبت کړي او د ثبت قانونی پراوونه یی بشپړ کړي، خو نمبر پلېټونه یې نه دي ترلاسه کړي خبر ورکوي، چې د دغو نقلیه وسایطو لپاره د نمبر پلېټونو د وېش لړۍ د درېيو میاشتو لپاره وغځېده.
دوی کولای شي په یاده موده کې د خپلو ثبت شویو وسایطو لپاره نمبر پلېټونه ترلاسه کړي، له دې پرته به د فعالیت پرمهال د ترافیک پولیسو له قانوني چلند سره مخ شي.
