د ترافيکو څلور پوليسان په بلخ کې ټپيان شول
کابل / د چنګاښ ۱۳مه / باختر
په بلخ کې نن له غرمې مخکې د ترافيکو څلور پوليسان د هاوان ګولۍ د لګيدو له امله ټپيان شول.
د بلخ د امنيې قوماندانۍ وياند عادل شاه عادل باختر آژانس ته وويل چې د ترافيکو دغه منسوبین چې په جوزجان – بلخ لاره کې په دنده بوخت وو، د وسله والو طالبانو د هاوان ګولۍ د لګيدو امله ټپيان شول.
په همدې حال کې د ابوعلي سينا بلخي روغتون سرپرست شفيق شفيق وويل چې د ترافيکو څلور پوليسان دغه روغتون ته لېږدول شوي دي چې د دوو تنو روغتيايي حالت يې نازک دی.
ختم- شکريه-اکرم
