کابل، د مرغومې ۳مه، باختر
د تخار د عامې روغتیا ریاست چارواکي وايي چې د دغه ولایت تخصصي روغتون له ۱۵۰ بسترونو څخه ۲۰۰ بسترونو ته ارتقا وکړه.
د یاد روغتون آمر ډاکتر حیات الله باختر آژانس ته وویل چې په دغه روغتون کې د ۵۰ بسترونو په ارتقا سره به روغتیايي خدمتونه زیات او د یاد ولایت د اوسېدونکو روغتیايي ستونزې به پر وخت حل شي.
هغه وویل چې د یاد شمېر بسترونو په زیاتېدو سره به په دغه روغتون کې د بسترونو د کمښت ستونزه هم حل شي.
د یادونې وړ ده چې د اسلامي امارت په راتګ سره د نورو برخو په څېر روغتیا برخې ته هم پاملرنه زیاته شوې او تر دې دمه په هېواد لسګونه روغتیايي مرکزونه جوړ شوي او دا لړۍ دوام لري.
