د تالقانو لپاره د طالبانو د استخباراتو مسوول ووژل شو
کابل / د چنګاښ ۱۷مه / باختر
د تخار د تالقانو لپاره د وسله والو طالبانو د استخباراتو مسوول احمد الله تېره شپه په دغه ولايت کې ووژل شو.
د ٢١٧ پامير قول اردو وياند عبدالهادي نظري باختر آژانس ته وويل چې د تالقانو لپاره د طالبانو د استخباراتو مسوول دوه شپې مخکې د تخار د فرخار ولسوالۍ په مربوطاتو کې تپي شوی و چې د ټپونو د ژورتيا په دلیل ومړ.
هغه زياته کړه چې احمدالله په تخار کې په ورانکارو بريدونو او هدفي وژنو کې لاس درلود.
ختم-ج-ا
