د بلخ ولايت په ادارو کې د ښځو شتون زيات دى .
کابل باختر د کب اووه ويشتمه :
ښځې د بلخ په ادارو کې د دولت له ژمنو څخه زيات کار کوي .
دافغان دتحقيقي او پژوهشي بنسټ مسوول حيات الله جواد دباختراژانس سيمه ييز خبريال ته وويل چې د بلخ ولايت په دولتي ادارو کې کې ښځې د خپلو ظرفيتونو اوفکري توان له مخې جذبې شوې دي.
دبلخ پوهنتون استاد فرزانه خالقي او د څيړنيز بنسټ يوغړى وايي چې ښځې له هغو زياتو شمير څخه چې دولت دنړيوالې ټولنې په وړاندې ژمنه کړې ده دبلخ دولتي ادارو ته جذبې شوې دي .
ده وويل دغه کار ښيي چې ښځې د کار کولو توان لري اوبايد دهېواد په نورو ولايتونوکې هم ښځو ته دکار زمينه برابره شي . ختم_ عطاالله_اکرم
