کابل – باختر د غبرګولي دمياشتې ٢٤
د بلخ بامي نګارستان په مزارشريف ښارکې پرانستل شو.
په دغه نګارستان کې د انځورګرۍ، خطاطۍ او رسامۍ د دريو تنو ٦٤ هنري آثار نندارې ته وړاندې شوي دي.
د بامي نګارستان مسوول محمد سمير د باختر آژانس خبريال ته وويل: په بلخ ولايت کې د هنرمندانو يوه ستونزه په بېلابېلو برخوکې د هنرمندانو ترمنځ نه همغږي وه او له دولت څخه يې وغوښتل چې له هنرمندانو سره په ملاتړکې دغه فرهنګ ته وده ورکړي .
ده له دولت څخه وغوښتل چې نندارې ته د دوى د هنري آثارو د وړاندې کولو لپاره يو دايمي نندارتون جوړ کړي .
صالح محمد خليق د بلخ بامي د نګارستان په نامه د نندارتون د جوړولو له امله خوښي څرګنده کړه او ويې ويل چې دولت د خپل توان په اندازه له هنرمندانو او انځورګرانو سره همکاري لري او هر کال په بلخ کې له نورو مرکزونو سره څو نندارتونونه جوړوي.
