کابل باختر دغويي دمياشتې ١٢ نيټه :
په هرات کې د برېښناد ستنود جوړولويوه کارخانه پرون د جمهوري رياست د دويم مرستيال قانونپوه سرور دانش اوسيمه يېزو مقاماتوله خوا ګټې ا خېستنې ته وسپارل شوه .
د باخترآژانس د خبريال د خبرله مخې ؛ دغه کارخانه ديوه ملي سوداګر بصيراحمد همکار له خوا د دوو ميليونو ډالرو په پانګه جوړه شوې ده.
د دغې کارخانې د پرانېستلوپه مراسمو کې د جمهور رئيس دويم مرسيتال څرګنده کړه؛ حکومت هلې ځلې کوي چې هرات د هېواد په اقتصادي قطب بدل کړي.
د دغې کارخانې خاوند وايي په دغې کارخانې پورې اړوند ټول وسايل نوي او په نړيوالو معيارونو برابر دي.
د هرات ولايت د سوداګرۍ اوصنايعو د خونو رئيس حميدالله خادم وايي د دغې کارخانې محصولات په ګاونډيو ولايتونو کې پلورل کېږي او د هغه يوازينى پيرودونکى دولت دى.
