کابل / باختر د تلې دمياشتې ١٩ :
دهېواد د بدن د غړو د پالنې دملي ټيم ورزشکارانو د ازبکستان له سياليو څخه د سرو زرو يو مډال ، د سپينو زرو يو مډال او د ژيړو يو مډال ترلاسه کړل.
د بدني روزنې اوسپورت د لوى رياست د بدن د غړو د پالنې د فدراسيون مرستيال خواجه فردين عباسي نن باخترآژانس ته وويل : د آسيا د سراسري سياليو نهه څلويښتم پړاو د ازبکستان په کوربه توب دروان کال دتلې دمياشتې له پنځمې نيټې څخه پيل شوي دي او په دغو سياليو کې محمدهارون عظيمي د څه دپاسه سلو کيلوګرامو په وزن کې د سرو زرو مډال ، محمدنسيم قادري دلويانو په زون کې دسپينو زرو مډال او محمد رامين حسن زاده د اتياکيلو ګرامو په وزن کې په دغو سياليو کې دژيړو مډال ترلاسه کړ.
