د انسان تښتوونکوله منګولو څخه د يوه تن ژغورل
د هرات ښار باختر د وري د مياشتې ١٢ نيټه :
د هرات ولايت يو اوسيدونکى چې د انسان تښتونکو له خوا تښتول شوى و د ملي امنيت د منسوبينو له خوا وژغورل شو.
دغه سړى موټر چلوونکى دى چې څلور ورځې مخکې د هرات ولايت د اسلام قلعه له لويې لارې څخه تښتول شوى و.
د هرات د والي وياند جيلاني فرهاد باخترآژانس ته وويل چې دغه تښتول شوى سړى د انسان تښتوونکو له خوا د غوريانو ولسوالۍ د تېرکش غورونو ته لېږدول شوى و چې ،د ملي امنيت د منسوبانو د هلو ځلو له امله د هغه د ساتنې ځاى مشخص او د چټکو عملياتو په ترسره کولو سره دانسان تښتوونکوله منګولو څخه آزاد شو.
ويل کېږي چې، انسان تښتونکي له سيمې څخه په تېښته بريالي شوي دي خو د هغوى د نيولو لپاره هلې ځلې دوام لري. پاى ذکرالله
