د انتخاباتو د امنيت د تامينولو لپاره دکورنيو چارو وزارت تيارى
کابل باختر دوري دمياشتې ١٥ نيټه :
د کورنيو چارو وزير د پوليسو ټولو قوماندانانو ته لارښوونه وکړه چې د انتخاباتو د امنيت د تامينولو په خاطر دې زيات امنيتي تدبيرونه ترلاس لاندې ونيسي .
د کورنيو چارو وزارت مطبوعاتي دفتر باخترآژانس ته خبر ورکړ، دکورنيو چارو وزير ويس احمد برمک پرون په يوه امنيتي غونډه کې د انتخاباتو دامنيت په تامينولو کې ، د نصرت د امنيتي پلان د تطبيق ، د کابل ښار د امنيت د تامينولو، په کابل ښارکې د سازمان موندلو ډلو د پيژندنې او نيولو او د هېواد په ولايتونو کې د پوليسو ځواکونو ته د وسلو او د لوژستيکي بشپړولو اوسمبالښت په ګډون د بېلابېلو مواردو په باب مسوولينو ته لارښوونې وکړې.
په دې غونډه کې پريکړه وشوه چې د پارلماني انتخاباتو او د ولسواليو د شوراګانو د انتخاباتو د امنيت دتامينولو په لاره کې لازم تدبيرونه ونيسي څو د افغانستان ټولو خلکوته په انتخاباتو کې دګډون زمينه برابره شي.
ده دنصرت په نامه دګډ امنيتي پلان په تطبيق باندې چې يوه مهمه برخه يې د انتخاباتو د امنيت په تامينولو پورې اړه لري ټينګار وکړ او ويې ويل ؛ له امنيتي اودفاعي ځواکونو سره په ګډو هلو ځلو کې د نصرت د پلان په تطبيق سره به زموږ خلک د هېواد په کچه دمثبت امنيتي بدلونونو شاهدان و اوسي.
دکورنيو چارو وزير ،د کابل ښار په سياسي اواقتصادي لحاظ مهم وباله او دکابل د ١٠١ آسمايي زون قوماندان او د پوليسو نورو جګپوړو چارواکو ته يې لارښوونه وکړه چې د دښمن د تحرکاتو د مخنيوي او د سازماني بانډونو د پيژندنې اونيولو په لاره کې او دغه راز د قانون ماتوونکو په وړاندې جدي او عملي اقدامات ترلاس لاندې ونيسي . پاى ف ذ
