د امریکا د هوایي ځواک یوه پیلوټ په واشنګټن کې ځان ته اور اچولی

نړۍ، د کب ۷ مه، بهرنۍ رسنۍ

د نړیوالو رسنیو د راپورونو په حواله د امریکا د هوایي ځواک یوه پیلوټ واشنګټن ډي سي کې د اسرایلو سفارت مخې ته د غزې د جګړې په غبرګون کې ځان ته اور اچولی دی.

پولیسو ویلي، چې دغه پیلوټ روغتون ته لېږدول شوی او پېښه د دغه پیلوټ له لوري ټوېټر(اېکس) کې په ژوندۍ بڼه خپرېده، چې وروسته لرې کړای شوې ده.

پیلوټ ویلي، چې نور نه غواړي، امریکایي پوځ کې دنده ترسره او د اسرایلو په جرمونو کې ځان شریک کړي.

د امریکا هوایي ځواک یو چارواکي  دغه خبر تایید کړی او ویلي یې دي، چې په دې اړه څېړنه وکړي او معلومات به یې وروسته خپاره کړي.