د افغانستان د کريکټ ملي ټيم د ايرلينډ د سياليو اتل شو

کابل باختردوږي دمياشتې ١٠نيټه : د هېواد د کريکټ ملي ټيم تېره شپه په درېيمه او وروستۍ ۵۰ آوريزه لوبه کې وکولاى شول د ايرلنډ د کريکټ ملي ټيم ته په داسې حال کې چې ١٦٠ توپونه پاتې و، ماتې ورکړي. دا په داسې حال کې ده چې د هېواد د کريکټ ملي ټيم مخکې له دې هم په دوو شل آوريزو لوبوکې د ايرلنډ ټيم ته ماتې ورکړې وه. په دې لوبه کې راشدخان آرمان د توپ اچونې په برخه کې په ښه ځليدنې سره د غوره لوبغالي لقب ترلاسه کړ. ټاکل شوې ده د هېواد د کريکټ ملي ټيم د عربي متحده اماراتو په کوربه توب د آسيايي جام د کريکټ د سياليو د ګډون لپاره دغه هېواد ته روان شي. د آسيايي جام دکريکټ سيالۍ د شپږو اسياسي ټيمونوپه ګډون د روان کال د وږي د مياشتې په ٢٤ نيټه پيليږي. پاى ج ذ