د افغانستان د فوټبال ټيم د سنګاپور د فوټبال ټيم ته ماتې ورکړه
_ کابل باختر د وري دمياشتې ٤ : :
د افغانستان د فوټبال ملي ټيم وکولاى شول په يوه دوستانه لوبه کې د سنګاپور د فوټبال ټيم ته د يوې په وړاندې په دوو سره ماتې ورکړي .
زموږ د فوټبال ملي ټيم په يوه ښه او يرغليزه لوبه کې وښودله چې د نوي فني کدر په راتلو سره دغه ټيم پياوړى شوى دى.
دواړو ټيمونو د لوبو په بهيرکې د يو او بل په دروازو بريدونه وکړل خو افغانستان په دغو بريدونوکې مخکښ و.
شريف محمد لومړى د لوبې په څلورمه دقيقه کې په يوه ښکلي ګوزار سره د افغانستان په ګټه ګول وواهه. خو د ده ګول ته د سنګاپور د ټيم له خوا ځواب ورکړ شو او په پاى کې مصطفى آزاد زوى په دې لوبه کې د افغانستان د برياليتوب ګول ترسره کړ .
د افغانستان د فوټبال ملي ټيم په دې برياليتوب سره د آسيا د مقدماتي سياليو د ګډون لپاره ښه روحيه او ځواکمنتيا ترلاسه کړې ده .
د افغانستان دفوټبال د ملي ټيم ښوونکى د دغې لوبې لپاره د غوره ليګ او د نړي له معتبرو ليګونوڅخه څو لوبغاړي رابللي وو.
