کابل/ د لړم ۲۸ مه/ باختر
د افغانستان د فوټبال ملي ټيم نن د ٢٠٢٢ نړيوال جام او د ٢٠٢٣د آسيا ملتونو جام د مقدماتي سياليو په چوکاټ کې د راستتنېدو په پړاوکې د آسيا له اتل (د قطر له ټيم) سره لوبه کوي.
د باختر آژانس خبريال د خبرله مخې: د افغانستان د فوټبال د ملي ټيم سرښوونکي انوش دستيګر د آسيا له اتل (قطر ټيم) سره د لوبې لپاره د خپلو زده کوونکو د تيارى خبر ورکړ.
دستګير وويل: هېر نه کړئ چې قطر د آسيا اتل دى او دا به موږ ته ډېره حساسه لوبه وي او موږ له تېرو سياليو څخه لازمې تجربې ترلاسه کړې دي.
د هغه د څرګندونوله مخې: افغانستان به دا ځل د آسيا د اتل په وړاندې متفاوته لوبه وکړي.
ختم- ج – اکرم
